ახალგაზრდული ინიციატივა -აქცია კონცერტი სახელწოდებით “გავერთოთ ნარკოტიკების გარეშე” სტარტს კვირას აიღებს. ინიციატივის ავტორის, კოჩა ჩანგელიას განცხადებით, ღონისძიების მთავარი მიზანია საზოგადოებას დაანახონ, რომ გართობა ნარკოტიკების მიღების გარეშეც შესაძლებელია.

“ჩვენ არ გვინდა მომაკვდინებელი გართობა, ჩვენ მხარს უჭერთ ჯჰანსაღ ცხოვრებას და ჯანსაღ გართობას”-აცხადებენ ახალგაზრდები და კვირას ანაკლიაში, Paradise beach bungalow Anaklia-ში იწვევს დაინტერესებულ პირებს გასართობად. სწორედ ამ დღეს მოწვეული სტუმრების წინაშე წარსდგებიან X-ფაქტორის მონაწილეები.

აქცია კონცერტი ანაკლიაში კვირას, 15:00 საათზე დაიწყება.