ფოთში მსუბუქი ავტომობილი ბოძს დაეჯახა, წაქცეული ბოძი კი ახალგაზრდა კაცს დაეცა, რომელიც ახლოს ჭიშკართან იდგა. მისი ჯანმრთელობის მდგომარეობა კრიტიკულია, მძღოლის – სტაბილური.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.