“ერთიანი ნაციონალური მოძრაობა” ზუგდიდში წინასაარჩევნოდ ზონდერ ჯგუფების კონცენტრაციას ახდენს. რამდენიმე დღეა ზუგდიდში იმყოფება ისანი-სამგორის გამგებლის პირველი მოადგილე ბესო გაზდელიანი. STV-ს წყაროს ინფორმაციით, გაზდელიანს თან ახლავს 20 კაციანი ჯგუფი, რომელთა პირდაპირი დავალებაა წინასაარჩევნოდ დესტაბილიზაციის და ქაოსის შექმნა.

“ძალიან დიდ კონცენტრაციას ახდნენ ზუგდიდში. თითქმის მთელი საქართველოს ნაცობა აქ არის, იმერეთი, კახეთი, თბილისი თავისთავად და ყველა. მათ აქვთ პირდაპირი დავალებები მიცემული უშუალოდ მიხეილ სააკაშვილისგან, რომ არჩევნების წაგების შემთხვევაში შექმნან ქაოსური სიტუაცია და დაიწყოს რევოლუციური მოქმედებები.

განსაკუთრებული დავალებებით არის ჩამოსული ზუგდიდში თბილისის ერთ-ერთი რაიონის ყოფილი გამგებელი ბესო გაზდელიანი. მას თან ახლავს ახალგაზრდების ჯგუფიც, რომლებსაც საჭიროების შემთხვევაში გამოიყენებენ”-აცხადებს STV-ს ინფორმირებული წყარო “ნაციონალური მოძრაობის” ზუგდიდის ოფისიდან.

ცნობისთვის, ბესო გაზდელიანი ისანი -სამგორის ის გამგებელია, რომელიც საკუთარი რაიონის მოსახლეობას არაადამნიანური მეთოდებით უსწორდებოდა. STV-მ მოიძია ტელეკომპანია “მაესტროს” მიერ გაშუქებული ვიდეომასალა, სადაც აღნიშნული პირი ფიგურირებს.