“ლაყბობის დრო არ არის, ტვინის განძრევის დროა და საკუთარი შეცდომების ცივი გონებით განსჯა მოგვიწევს თუ რათქმაუნდა ამისთვის შინაგანად მზად ვართ”- წერს სოციალურ ქსელში სამეგრელო-ზემო სვანეთი ყოფილი გუბერნატორის მოადგილე ალექსანდრე ახვლედიანი,რომელიც “ნაციონალური მოძრაობის აქტიური მხარდამჭერია.

“სამწუხაროდ ეს ქვეყანა უთავმოყვარეოდ დაძაბუნებული აღმოჩნდა… უბნებში გაყალბება არ ყოფილა, მოცემულება რეალობას არ ასახავს ნამდვილად, მაგრამ რაღაცას ისე ვერ ვაკეთებთ როგორც ამას რეალობა გვკარნახობს. თუ მზად არავართ შევიცვალოთ და მოუსმინოთ ხალხს ვინც ადგილებზე შედეგზე ორიენტირებულია, თუ არ გავითვალისწინებთ სპეციფიკას რომლის იგნორირება ხდის უსაშველოდ შენიღბულს ამომრჩეველს, უცვლელად სტაბილური ციფრის ( პროცენტის) პოლიტიკურ ძალად დავრჩებით.

ლაყბობის დრო არ არის, ტვინის განძრევის დროა და საკუთარი შეცდომების ცივი გონებით განსჯა მოგვიწევს თუ რათქმაუნდა ამისთვის შინაგანად მზად ვართ, ზუგდიდს და სამეგრელოს უნდა იცნობდე რომ მას შენობით მიმართო, ნუ შეეცდება ვინმე ხალხს გადააბრალოს საკუთარი შეცდომები, აქ ფანტასტიური ხალხია და მოვა დრო ის მაინც შეძლებს ამაში დაარწმუნოს დანარჩენი საქართველო, წარმატებები გეგა შენგელიას… გაიმარჯვეთ? დრო და გაკეთებული საქმე ყველაფერს გასცემს პასუხს!”