ზუგდიდის ქუჩებზე გზის სარეაბილიტაციო სამუშაოებს სამეგრელო-ზემო სვანეთის სახელმწიფო რწმუნებული ალექსანდრე მოწერელია და ზუგდიდის ახლადარჩეული მერი გიორგი შენგელია გაეცნენ.

ქალაქში 100-ზე მეტი ქუჩის რეაბილიტაცია ხდება, ამასთან მთლიანად ახალი საგზაო ინფრასტრუქტურა შენდება ქალაქის 10 ქუჩაზე. მუნიციპალიტეტის ახლადარჩეული მერის განცხადებით კი, 2021 წლამდე ზუგდიდის ქუჩებში საგზაო ინფრასტრუქტურის პრობლემა აღარ იარსებებს.

ზუგდიდში გზების პრობლემა წყლისა და წყალარინების დაქსელვითმა სამუშაოებმა გამოიწვია, ქალაქში მანამდე ცენტრალიზებული მიწისქვეშა სისტემა არ არსებობდა.