თბილისში საბავშვო ფოლკლორული ანსამბლების ფესტივალი „მრავალჟამიერი” ჯანსუღ კახიძის სახელობის კულტურულ-მუსიკალურ ცენტ რში დღეს გაიხსნა.

ღონისძიებაში საქართველოს სხვადასხვა რეგიონებიდან ოთხმა ფოლკლორულმა ანსამბლმა მიიღო მონაწილეობა. ესენი იყვნენ ლანჩხუთის ქართული გალობისა და სიმღერის გუნდი, საგარეჯოს გალობისა და სიმღერის სკოლასთან არსებული გუნდი “პატარა გარეჯელები”, ფოლკლორული ანსამბლი “პატრიარქის ნათლულები” და ფოლკლორული ანსამბლი “ბინული”.

აღნიშნული ფესტივალის მიზანი ქართული ფოლკლორის ტრადიციების შენარჩუნება და მათი მომავალი თაობებისთვის გადაცემა, ასევე ხალხური მუსიკის პოპულარიზაციაა.

ორგანიზატორების განცხადებით, აღნიშნული ფესტივალი ახალი თაობის შემსრულებლებისთვის სტიმულის მიცემას ემსახურება, რადგან მათთვის მნიშვნელოვანია მაყურებლის მხარდაჭერა.

ფესტივალი “მრავალჟამიერი” 20 ივნისს გალა-კონცერტით დასრულდება.