სენაკის მუნიციპალიტეტის საზოგადოებრივი მომსახურების ცენტრი განაგრძობს გარე ქსელის მოწყობის სამუშაოებს. ამჯერად, წლების შემდეგ პირველად, ქალაქში, გივი კარტოზიას ქუჩაზე, გარე განათების სისტემის დამონტაჟება მიმდინარეობს.

განათების ახალი ქსელების მოწყობა დაგეგმილია ბორჯომის, ჯანაშიას, კ.გამსახურდიას, არსენას (ჩიხებით), წურწუმიას, ს.შამათავას (ჩიხებით), არჩაიას ქუჩებზე. უახლოეს პერიოდში აღნიშნული სამუშაოები მთელ ქალაქს მოიცავს.