ვგმობ, მიუღებელი და აღმაშფოთებელია ის ფაქტი რაც საქართველოს პარლამენტში დღეს მოხდა! დაუშვებელია, ჩვენი ქვეყნის საკანონმდებლო ორგანოში ოკუპანტი სახელმწიფოს წარმომადგენელი პარლამენტის თავმჯდომარის სავარძელში იჯდეს!

საქართველოს პარლამენტში განვითარებულმა მოვლენებმა ჩვენი გულწრფელი და სამართლიანი აღშფოთება გამოიწვია.

რუსეთში არის ლაგერული დისციპლინა სახელმწიფო მოწყობის ნაცვლად – ეს არის მუდმივი საფრთხის მდგომარეობა. საქართველოს არჩევანი კი ევროპული ცივილიზაცია და ღირებულებებია , სადაც პირველ რიგში პიროვნების და საზოგადოების თავისუფლება არის ყველაზე დიდი მონაპოვარი.

საქართველოს მრავალსაუკუნოვანი ისტორია არის სწორედ ღირსეული მაგალითი ჩვენი ერის სწრაფვისა თავისუფლებისკენ!