წელს ზუგდიდში 27 ახალი სახლი აშენდება
ზუგდიდის მუნიციპალიტეტის მერიის უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის მიზნით შექმნილმა კომისიამ დღეს გამართულ სხდომაზე 27 ახალი საცხოვრებელი სახლის მშენებლობაზე მიიღო გადაწყვეტილება.
ახალი საცხოვრებელი სახლის მშენებლობა მიმდინარე წელს დაიწყება.
სპეციალური კომისია დაკომპლექტებულია მერიის, საკრებულოსა და არასამთავრობო სექტორის წარმომადგენლებით. მიმდინარე წელს აღნიშნული პროგრამებისთვის 700 000 ლარია გამოყოფილი, აქედან 100 000 ლარი „ერთი თბილი ოთახის“ პროექტისთვისაა გათვალისწინებული.
ზუგდიდის მუნიციპალიტეტში 2015 წლიდან დღემდე სულ 91 საცხოვრებელი სახლი აშენდა.
