ზუგდიდის მუნიციპალიტეტის ხელოვნებისა და კულტურის განვითარების ცენტრის ინიციატივითა და ზუგდიდის მუნიციპალიტეტის მერიის ეგიდით ანაკლიიის ისტორიული ციხის სივრცეში 16 ივლისს, 20:00 საათზე, ლოტბარ პოლიკარპე ხუბულავას სახელობის მეგრული ფოლკლორის საერთაშორისო ფესტიავლი ,,კოლხი და…“ გაიმართება.

საქართველოს სხვადასხვა რეგიონიდან ჩამოსულ ფოლკლორულ ანსამბლებთან ერთად ფესტივალზე მონაწილეობენ ანსამბლები ,,მასპინძელი“ ქალაქ ლონდონიდან და ,,ზურმუხტი“ – დუბლინიდან. უცხოელი მომღერლები მეგრულ სიმღერებს შეასრულებენ.

მეგრული ფოლკლორის პატრიარქად წოდებული პოლიკარპე ხუბულავა იყო წმ. გიორგის ორდენისა და უმაღლესი ჯილდოს, ხელოვნების ქურუმის მფლობელი. სწორედ პოლიკარპე ხუბულავამ შემოგვინახა უძველესი მეგრული სიმღერების სხვადასხვა ვერსია, რასაც უცხოელი ფოლკროლური ანსამბლები მსოფლიოს სხვადასხვა ქვეყანაში უწევენ პოპულარიზაციას.