სენაკის მუნიციპალიტეტის მერიის სხდომათა დარბაზში, სოციალურად დაუცველი ოჯახებისთვის სამშენებლო მასალებით დახმარების პროგრამის ფარგლებში შექმნილი კომისიის მორიგი სხდომა გაიმართა, რომელსაც მუნიციპალიტეტის მერი, აღნიშნული კომისიის თავმჯდომარე ლევან კუპრეიშვილი უძღვებოდა.

კომისიის წევრებმა წარდგენილი განცხადებები დეტალურად შეისწავლეს და განიხილეს. სხდომაზე იმ სოციალურად დაუცველი ოჯახების რაოდენობა დაზუსტდა, რომელთაც მუნიციპალიტეტის მერია საცხოვრებელი სახლებისთვის საჭირო გადასახურ მასალას გადასცემს.

კომისია, ადგილობრივი თვითმმართველობის წარმომადგენელთა შემადგენლობით, სოციალურად დაუცველ მოქალაქეთა საჭიროებებს პერმანენტულად განიხილავს და მათ ამ კუთხით არსებული პრობლემის მოგვარებაში ეხმარება.