სოციალურ ქსელში გავრცელდა კადრები, სადაც, ფოთში, ძიძა ჩვილს ფიზიკურ შეურაცხყოფას აყენებს. შსს-ს ინფორმაციით, გამოძიება 126 მუხლით მიმდინარეობს, რაც ძალადობას გულისხმობს.

“ეს მთელმა ფოთმა უნდა იცოდეს რადგან სხვის შვილსაც იგივე არ დაემართოს. ყველა ვიდეო და ფოტო იხილეთ აუცილებლად და გაიცანით ნათია ლორია ის მამა ნიკოლოზის ცოლის დაა. დარწმუნებული ვიყავი რომ კარგად ექცეოდა გაბრიელს და ღრმად ვენდობოდი მაგრამ ერთ დღეს ნახევარი საათი ტიროდა ჩემი შვილი და გვერდით კორპუსში გაიგეს, რომ ვიკითხე ბავშვის ტირილის დროს ძიძა სად იყო 3ჯერ სხვადასხვა პასუხი მივიღე რამაც დამაეჭვა და დავიწყე ფარული მეთვალყურეობა დანარჩენი იხილეთ ვიდეოებში და კომენტარებში ველოდები პასუხებს რა ეკუთვნის ასეთ ძიძას. სასჯელი?”-წერს მაია ეჯიბია სოციალურ ქსელში.