მულახის თემის 12 სოფლის მცხოვრებლებმა ​მესტია-უშგულის გზა ადგილზე სამეგრელო-ზემო სვანეთის გუბერნატორის, ალექსანდრე მოწერელიას მისვლის შემდეგ გახსნეს. ამჟამად საპროტესტო აქცია შეწყვეტილია.

ცნობისთვის, ადგილობრივები ინფრასტრუქტურული პრობლემების მოგვარებას ითხოვდნენ. მათი განცხადებით არ არსებობს საავტომობილო გზა, არ არის კარგად გამართული ელექტროგადამცემი ხაზები და არ არსებობს თემის განვითარების გენერალური გეგმა.

აქციის მონაწილეებს რეგიონის გუბერნატორი ალექსანდრე მოწერელია, მისი მოადგილეები და მესტიის მერი კაპიტონ ჟორჟოლიანი შეხვდნენ.