საკონსტიტუციო ცვლილებების საყოველთაო-სახალხო განხილვა, რეგიონებში გრძელდება. დღეს შეხვედრა სამეგრელო-ზემო სვანეთსი რეგიონში, კერძოდ ზუგდიდის მოსწავლე-ახალგაზრდობის სასახლეში იმართება. მსჯელობას პარლამენტის თავმჯდომარე არჩილ თალაკვაძე, ოპოზიციის წარმომადგენლები და კონსტიტუცინალისტები ესწრებიან.

„დღეს ზუგდიდში საზოგადოებას წარვუდგინეთ 2020 წლის პროპორციულ არჩევნებთან დაკავშირებით ცვლილბებები, პროპრციულ სისტემაზე გადასვლა არის ძალიან მნიშვნელოვანი ნაბიჯი ჩვენი ქვეყნისთვის, პოლიტიკისთვის და დემოკრატიისთვის. საზოგადოებას აქვს კითხვები, თუ როგორი იქნება რეგიონის როლი და მათთან კავშირი ამ პროცესებში, აინტერესებთ ბლოკების, ბარიერის და პარტიების რეგისტრაციის საკითხი. ჩვენ აქ ვართ, ოპოზიციასთან ერთად და საზოგადოება ხედავს, რომ თანმშრომლობა ოპოზიციასთნ ერთად კონსტრუქციულ რეჟიმში მიმდინარეობს“ – განაცხადა პარლამენტის თავმჯდომარე არჩილ თალაკვაძემ.

საერთო-სახალხო განხილვა კონსტიტუციაში ცვლილებებთან დაკავშირებით მიმდინარეობს. მთავარი ცვლილება, რომელსაც ადგილობრივებს პარლამენტის თავმჯდომარე წარუდგენს, მაჟორიტარული სისტემის პროპორციულით ჩანაცვლებაა.