6 წლის გოგონას ჯანმრთელობის მდგომარეობას საფრთხე არ ემუქრება. STV-ს წყაროს ცნობით გოგონას C ჰეპატიტი სავარაუდოდ არ აღმოაჩნდა, თუმცა საბოლოო პასუხი ხვალ, შუადღისკენ გახდება ცნობილი.

შეგახსენებთ, რომ ზუგდიდის რეფერალური საავადმყოფოს ერთ-ერთ მედდას პაციენტის დედა გულგრილობასა და ნორმების დარღვევაში ადანაშაულებდა. 6 წლის გოგონას დედა STV-სთან დღეს ყვებოდა,  რომ შვილი აღნიშნულ საავადმყოფოში გეგმიურ შემოწმებაზე მიიყვანა. მისი განმართებით,  სანამ ლაბორატორიის მედდა სამედიცინო მანიპულაციას განახორციელებდა, ნემსი თითზე მოხვდა და ამავე ნემსით გაუკეთა მოზარდს ინექცია.

“როცა ანალიზს უღებდა ვნახე რომ თითები ქონდა სისხლიანი,მივხვდი რაშიც იყო საქმე, მოვითხოვე, რომ ჩაეტარებინა კვლევა და სისხლში C ჰეპატიტი აღმოაჩნდა,”-განაცხადა STV-თან მოზარდის დედამ.

სარამოს აღნიშნულ ფაქტთან დაკავშირებით განცხადება გაავრცელა სამედიცინო კორპორაცია “ევექსის” საზოგადოებასთან ურთიერთობის სამსახურის ხელმძღვანელმა, გიორგი ნიორაძემ. ნიორაძის განმარტებით, ბავშვს ჩაუტარდა მაღალტექნოლოგიური ვირუსის განმსაზღვრელი კვლევა, რომელიც ერთ ცალ ვირუსცაც კი აღმოაჩენს ორგანიზმში.

“დღევანდელ შემთხვევასთან დაკავშორებით მინდა ერთი შესწორება შევიტანო, ძალიან ბევრი მედია საშუალება ავრცელებს რომ ბავშვი C ჰეპატიტით დაინფიცირდა რაც აბსოლუტურად არაა სწორი ამის პასუხი იქნება რამდენიმე დღეში, ბავშვს ჩაუტარდა მაღალტექნოლოგიური ვირუსის განმსაზღვრელი კვლევა, რომელიც ერთ ცალ ვირუსცაც კი აღმოაჩენს ორგანიზმში მიუხედავად იმისა, რომ სამედიცინო პროფესიონალის მიერ გადაცდომას ჰქონდა ადგილი, ამ ბავშვის დაინფიცირების შანსი 0,1%-ია. რა თქმა უნდა ეს არ გვამართლებს. ჩვენი მხრიდან განხორციელდა ზომები, ეს თანამშრომელი გავათავისუფლეთ. ვაღიარებთ ამ გადაცდომას,  ძალინ ცუდი ფაქტია და სრულ მეურვეობას ვიღებთ ამ ბავშვზე თუ, მას ამ სამედიცინო ინტერვენციით რამე ზიანი მიადგება”, – განმარტა ნიორაძემ.