ფოთი-სენაკი-თბილისის ცენტრალური მაგისტრალი ამ დრომდე პარალიზებულია. აქციის მონაწილეებს, სამეგრელი-ზემო სავანეთის გუბერნატორის მოადგილე დავით ფარცვანია შეხვდა. როგორც მან განმარტა, აღნიშნულთან დაკავშირებით, ყველა შესაბამისი უწყება საქმის კურსშია და პრობლემის გადასაჭრელად მუშაობა მიმდინარეობს.

აქციის მონაწილეებმა, თევზის გადამამუშავებელი ქარხნების გაჩერება მოითხოვეს. შეკრებილებსა და გუბერნატორის მოადგილეს შორის შეთანხმება არ ვერ შედგა.

,,მოქალაქეების პროტესტი თამამად შეიძლება ითქვას, რომ არის სამართლიანი. ყველამ კარგად ვიცით აღნიშნული პრობლემა. სახელმწიფო რწმუნებულის ადმინისტრაციის მხრიდანაც, მათ შორის მუნიციპალიტეტის მერიის მხრიდანაც, საკმაოდ აქტიურ რეჟიმში მიმდინარეობს ამ თემაზე მუშაობა.

ასევე, ამ ორი დღის განმავლობაში გუბერნატორი პირდად იმყოფებოდა ფოთში და შესაბამის მიზეზებზე აქტიური მუშაობა მიმდინარეობს. სხვადასხვა უწყება უნდა დაჯდეს ერთად და ერთობლივად მიიღონ ხალხთან ერთად გადაწყვეტილება. ამიტომაც ჩვენი მთავარი მიზანია ამ ხალხთან ერთად თევზის სუნი მოისპოს ფოთში. შედგება ქარხნის დირექტორებთან კომუნიკაცია და წინასწარ ვერ გეტყვით რა გადაწყვეტილება იქნება მიღებული, “-განაცხადა დავით ფარცვანიამ.