სენაკის მუნიციპალიტეტის მოსწავლე-ახალგაზრდობისა და კულტურის ცენტრის საკონცერტო დარბაზში საახალწლო კარნავალი გაიმართა.

სახალისო და სანახაობრივად მრავალფეროვანი კოსტუმირებული წარმოდგენის  ნორჩმა მონაწილეებმა – სენაკის პირველი საჯარო სკოლის მეოთხე კლასის მოსწავლეებმა (კლასის ხელმძღვანელი მანანა მიშველია),  საქართველოს კუთხეებისთვის დამახასიათებელი საახალწლო წეს-ჩვეულებები და ტრადიციები გააცოცხლეს.

მუსიკალურ-თეატრალურ კომპოზიციას –   ,,მრავალ ახალ წელს, ჩემო მამულო!..“  სენაკის მუნიციპალიტეტის მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი, სენაკის საგანმანათლებლო რესურსცენტის ხელმძღვანელი დარეჯან ზარანდია, მოსწავლე-ახალგაზრდობისა და კულტურის ცენტრის დირექტორი ლევან უჩანეიშვილი, ადგილობრივი თვითმმართველობისა და საზოგადოების წარმომადგენლები დაესწრნენ.