ზუგდიდის მერის გადადგომას ეხმაურება “ევროპული საქართველოს” ერთ-ერთი ლიდერი, პარლამენტარი ლაშა დამენია. დამენიას განცხადებით, გოგიას გათავისუფლება კორუფციულ გარიგებებს სულაც არ უკავშირდება. ოპოზიციონერის მტკიცებით, ლაშა გოგია “ქართულ ოცნებაში” შიდა საპირისპირების მსხვერპლი გახდა.

„კორუფციის გამო არ მომხდარა ლაშა გოგიას გათავისუფლება ეს არის „ქართული ოცნების“ შიდა დაპირისპირება. იყო პერიოდი, როცა გოგიას მფარველები ჰყავდა “ქართულ ოცნებაში”,  როგორც კი მისი მფარველები წავიდნენ მართვის წრეებიდან, ხედავთ ერთი თვის განმავლობაში მოხსნილი იქნა გუბერნატორის მოადგილეები, აპარატის ხელმძღვანელობა, მოხსნილს დავარქმევ გოგიას. მას გამოეცალა მფარველები „ქართულ ოცნებაში,“ როგორც კი გამოეცალა შემდგომ უკვე ის აიძულეს გაეკეთებინა განცხადება სოციალურ ქსელებში, უბრალოდ მათ ვეღარ დამალეს ის კორუფციული სქემები, რომელიც არსებობდა და არსებობს ზუგდიდის გამგეობაში და იძულებული გახდნენ აღეძრათ საქმე,“-განაცხადა ლაშა დამენიამ.