ფოთის მერი და გუბერნატორის მოადგილე თავისუფალი ინდუსტრიული ზონის ახალ დირექტორს შეხვდნენ
ქალაქ ფოთის მუნიციპალიტეტის მერი გოჩა კურდღელია და სამეგრელო-ზემო სვანეთის გუბერნატორის პირველი მოადგილე ირაკლი ჯიქია ფოთის თავისუფალი ინდუსტრიული ზონის ახალ დირექტორს, დავით ებრალიძეს შეხვდნენ და ურთიერთანამშრომლობის პერსპექტივებზე ისაუბრეს.
ფოთის თავისუფალი ინდუსტრიული ზონის 75%-იანი წილის მფლობელი ჩინური კომპანია CEFC -ია.
კომპანია ენერგეტიკის, საფინანსო, კომერციულ, სავაჭრო და ლოგისტიკის სფეროებში საქმიანობს და ის Fortune Global 500-ის შემადგენლობაში შედის.
„ ფოთის ინდუსტრიული ზონა არის ქვეყნის ეკონომიკისთვის ძალიან მნიშვნელოვანი აქტივი და მისი გაცოცხლება, მისი აქტიური ამუშავება ეკონომიკური თვალსაზრისით მნიშვნელოვანია. ჩვენი აზრით, ასეთი მსხვილი ჩინური კომპანიის გამოჩენა ჩვენს თავისუფალ ინდუსტრიულ ზონაში წარმატების მომტანი იქნება ,როგორც ქალაქისთვის,ასევე ქვეყნისთვისაც”-განაცხადა შეხვედრისას ქალაქის მერმა.
კომპანია, ჩინური პრაქტიკის მიხედვით, ფოთის თავისუფალი ინდუსტრიული ზონის შემდგომ განვითარებას გეგმავს, თანამედროვე ტექნოლოგიების, სასაწყობე მეურნეობისა და ლოგისტიკის განვითარებისთვის საჭირო ინვესტიციების მოზიდვით.
საპრივატიზებო პირობების თანახმად, კომპანიამ ფოთის თიზ-ის განვითარების მიზნით, არანაკლებ 150 მილიონი ამერიკული დოლარის ინვესტიცია უნდა განახორციელოს. ინვესტიციის განხორციელება ორ ეტაპად არის შესაძლებელი, კერძოდ, პირველ ეტაპზე 50 მილიონი, ხოლო მე-2 ეტაპზე 100 მილიონი ლარის ოდენობის ინვესტიციის განხორციელება.
ფოთის თიზ-ის შესახებ შეთანხმებას ხელი სიემენში გამართული ჩინურ-ქართული ბიზნესფორუმის ფარგლებში მოეწერა.
