გაერთიანებული წყალმომარაგების კომპანიის დირექტორი, გიგა მანდარია მიმდინარე პროექტების მონიტორინგის ფარგლებში, ქ. ზუგდიდში, წყალმომარაგების სისტემის სამშენებლო სამუშაოებს გაეცნო.

გიგა მანდარია კონტრაქტორი კომპანიის წარმომადგენლებს, სამეგრელო-ზემო სვანეთში სახელმწიფო რწმუნებულის პირველ მოადგილესთან, დავით ფარცვანიასთან ერთად შეხვდა და დარჩენილი სამუშაოების შესახებ დეტალური ინფორმაცია მოისმინა.

გიგა მანდარიას განცხადებით, ზუგდიდის წყლის სისტემის მშენებლობის 95 % დასრულებულია და მალე ქალაქი უწყვეტ წყალმომარაგებაზე გადავა. წყალმომარაგების კომპანია ზუგდიდში დამატებით ორ პროექტს- წყალარინების ქსელის და გამწმენი ნაგებობის მშენებლობას ახორციელბს.