კორონავირუსის გავრცელების პრევენციის მიზნით, ზუგდიდის მუნიციპალიტეტის მერის გადაწყვეტილებით, უფასო სასადილოს ბენეფიციარების საკვების შინმიტანას, მოხალისეები უზრუნველყოფენ.

ზუგდიდის მუნიციპალიტეტის მერის მოადგილე, კონსტანტინე კაკავამ, საკრებულოს თავმჯდომარის მოადგილე ბესიკ ჭეჟიასთან და ჯანდაცვისა და სოციალური კომისიის თავმჯდომარე ოთარ ქადარიასთან ერთად, სასადილოს იმ ბენეფიციარებს, რომლებიც რისკ ჯგუფს წარმოადგენენ, საკვები პროდუქტი შინ მიუტანა.

„მნიშვნელოვანია, რომ ვიზრუნოთ იმ მოქალაქეებზე, რომლებიც განსაკუთრებულ რისკ ჯგუფს წარმოადგენენ. აღსანიშნავია, რომ მოქალაქეები ერთმანეთის მიმართ სოლიდარულები არიან და აქტიურად ჩაერთნენ პროცესებში. მადლობა მინდა გადავუხადო ბიზნეს სექტორს, რომელმაც ქველმოქმედების მზაობა გამოთქვა. დარჩით სახლში და ჩვენ ვიზრუნებთ თითოეულ მოქალაქეზე, გავუფრთილდეთე რთმანეთის სიცოცხლეს“-აღნიშნა კონსტანტინე კაკავამ.

უფასო სასადილოს კვებით უზრუნველყოფის პროგრამაში სულ 280 ბენეფიციარია ჩართული.