ხობის მუნიციპალიტეტში მცხოვრები 200 სოციალურად დაუცველი, მრავალშვილიანი და მარტოხელა ოჯახი პირველადი მოხმარების სასურსათო პროდუქტს მიიღებს. სასურსათო კალათას სოციალურად დაუცველ ოჯახებს მერის წარმომადგენლები სახლში მიუტანენ.

პროდუქტების გაცემის პროცესს სამეგრელო-ზემო სვანეთის მხარეში სახელმწიფო რწმუნებული ალექსანდრე მოწერელია და ხობის მერი დაესწრნენ. პროდუქტის გადაცემა კერძო ბინზესის შემოწირულობით განხორციელდა. ამავდროულად ხობის მერია საკუთარი სახსრებით დამატებით 1000-მდე სოციალურად დაუცველ ოჯახს სასურსათო პაკეტს გადასცემს.

ქვეყანაში შექმნილი ვითარებიდან გამომდინარე, ხობის მსგავსად სოციალურად დაუცველებებისა და რისკ ჯგუფის მოქალაქეებისთვის პირველადი მოხმარების სასურსათო პროდუქტის გაცემა სამეგრელო-ზემო სვანეთის ყველა მუნიციპალიტეტში მოხდება.