ჩხოროწყუს მუნიციპალიტეტში კორონავირუსის გავრცელების პრევენციის მიზნით სადეზინფექციო სამუშაოები აქტიურად გრძელდება.

სპეციალური ხსნარით დამუშავდა ქალაქის მრავალბინიანი საცხოვრებელი კორპუსების სადარბაზოები, მოსაცდელები, სასურსათო მაღაზიების, ბანკების, აფთიაქების, სოციალური სააგენტოს, სასამართლოს, შსს სამეგრელო-ზემო სვანეთის პოლიციის დეპარტამენტის ჩხოროწყუს რაიონული სამმართველოს მიმდებარე ტერიტორიები, დერეფნები,დარბაზები, კიბეები, მოქალაქეთა მისაღები. 

სადეზინფექციო სამუშაოებს ა(ა)იპ-ების თანამშრომლებისგან შემდგარი მოხალისეთა ჯგუფი ახორციელებს. ჩხოროწყუს მუნიციპალიტეტში ახალი კორონავირუსის შესაძლო გავრცელების აღკვეთისა და COVID-19 -ით გამოწვეული დაავადებების შემთხვევებზე ოპერატიული რეაგირების მიზნით შექმნილია სამუშაო ჯგუფი, რომელსაც მერის მოაგილე ვალერი თოდუა ხელმძღვანელობს.