სამეგრელო-ზემო სვანეთის გუბერნატორის ინფორმაციით, პირი რომელსაც კორონავირუსი თბილისში დაუდგინდა რამდენიმე დღით ადრე  სამეგრელოს სამ მუნიციპალიტეტში იმყოფებოდა. აღნიშნული პირი სპორტსმენია და მან რეგიონი 29 მარტს დატოვა.

“გვაქვს ასეთი შემთხვევა რეგიონში, ერთ-ერთ მოქალაქეს, ვისაც დაუდასტურდა კორონავირუსი, რომელიც ამჟამად თბილისში კლინიკაში იმყოფება, მას 27 მარტს ქონდა კონტაქტი ჩვენს რეგიონში. რამოდენიმე ადგილას ფიქსირდება მისი კონტაქტები, როგორც ზუგდიდში, წალენჯიხის რაიონის ორ სოფელში, ასევე, ჩხოროწყუს მუნიციპალიტეტში. ამ კონტაქტების უმრავლესობა უკვე გამოვლენილია და მოქალაქეები აუცილებლად გადაყვანილ იქნებიან კარანტინში. შესაბამისად მინდა კიდევ ერთხელ მოვუწოდო ჩვენს მოქალაქეებს, თავი შეიკავონ სახლიდან გამოსვლისაგან”-აცხადებს სამეგრელოს გუბერნატორი.