კორონავირუსის გავრცელების პრევენციისა და მოქალაქეთა უსაფრთხოების მიზნით, ფოთის  ქუჩები სადეზინფექციო საშუალებებით ირეცხება. მიმდინარე სამუშაოებს ფოთის   მერი გოჩა კურდღელია მოადგილეებთან ერთად გაეცნო.

გზის მორეცხვის  მასშტაბური სამუშაოები ქალაქ ფოთის მუნიციპალიტეტის მერიის ა (ა) იპ სერვისების ცენტრის თანამშრომლების მიერ სპეციალური ტექნიკის საშუალებით ხორციელდება. პროცესში ასევე, ჩართულია საგანგებო სიტუაციების მართვის სამსახურის სახანძრო-სამაშველო ბრიგადა.

გზების  მორეცხვა  ქალაქის ცენტრალური ქუჩებიდან დაიწყო და  ეტაპობრივად ყველა უბანს  მოიცავს.