ზუგდიდში მოქმედ სააფთიაქო ქსელებში მედიკამენტები ორმაგად, ხშირ შემთხვევაში კი, სამმაგადაც გაძვირდა. ამის შესახებ სოციალურ ქსელში მომხმარებლები წერენ და უკმაყოფილებას გამოთქვამენ.

ზუგდიდის საკრებულოს წევრი სალომე ფაცაცია, რომელიც პროფესიით ფარმაცევტია და ამავე დროს წმინდა გაბრიელის სახელობის საქველმოქმედო ფონდს ხელმძღვანელობს, აღნიშნავს, რომ საკვებ პროდუქტებზე ფასების მატებასთან ერთად წამლების ფასებმაც მოიმატა. სოციალურ ქსელში მომხმარებლებს ის სთხოვს დაწერონ კონკრეტული აფთიაქები, სადაც ფასების მომატება შეინიშნება.

• 

• 

“ამას არ ჰქვია ორმაგად მომატება, ეს არის სამმაგად მომატება. თუ მანამდე მედიკამენტი “ამლესა” ღირდა 4 ლარი, დღეს უკვე 10 ლარად არის შესაძლებელი წამლის ყიდვა”,-წერს სოციალურ ქსელში სალომე ფაცაცია.