ფოთში ინფრასტრუქტურული პროექტების განხორციელება ჯანდაცვის სამინისტროს რეკომენდაციების შესაბამისად მიმდინარეობს, ობიექტზე დასაქმებულების თერმოსკრინიგი ტარდება. პროცესს ქალაქის მერი გოჩა კურდღელია გაეცნო.

მერი კუნძულის სანაპირო ზოლზე, ავტობუსების დეპოსა და ვალერიან გუნიას სახელობის სახელმწიფო თეატრში იმყოფებოდა. თეატრის რეაბილიტაციის პირველი ეტაპის სამუშაოები დასრულდა, განხორციელდა: სარდაფის, სახურავის, სამსახიობო და საგრიმიორო ოთახების, შიდა ფასადის, ვენტილაციისა და გაგრილების სისტემების რეაბილიტაცია, მეორე ეტაპი კი გარე-ფასადის მოწესრიგებას ითვალისწინებს.

სანაპირო ზოლზე კი რეაბილიტაციის მეორე ეტაპის სამუშაოები მიმდინარეობს, მისი ღირებულება 2 მილიონ ლარამდეა. აქტიურად მიმდინარეობს მშვიდობის ქუჩაზე, ავტობუსების ავტოპარკის სამშენებლო სამუშაოებიც, რომელიც მიმდინარე წლის შემოდგომაზე დასრულდება.