ძველი მავთულხლართების ახლით ჩანაცვლების პროცესი მინდინარეობს ზუგდიდის მუნიციპალიტეტის სოფელ განმუხური-ფიჩორთან დამაკავშირებელ საოკუპაციო ზოლზე. ადგილობრივების თქმით, ბოლო დღეებია ბოძებზე კამერების დაყენებაც ხდება.

“დასახლებული პუნქტიდან დაახლოებით ნახევარ კილომეტრში აქტიური სამუშაოები მიმდინარეობს, ოკუპირებულ ტერიტორიაზე ცვლიან არსებულ მავთუხლართებს და ახლებს აყენებენ. ასევე ხდება ვიდეოკამერების დაყენება ალბათ პატრულირების გააქტიურებისთვის,”-აცხადებენ ადგილობრივები.