ქალაქ ჯვარში ანდრია პირველწოდებულის ქუჩაზე, # 76-ში მდებარე მრავალბინიანი საცხოვრებელი სახლის ფასადის რეაბილიტაცია მიმდინარეობს. აღნიშნულ სამუშაოებს ტენდერში გამარჯვებული კომპანია შპს ზანგო-2015 ასრულებს, სახარჯთაღრიცხვო ღირებულება შეადგენს 77 777 ლარს.

პროექტის ფარგლებში ხორციელდება საცხოვრებელი სახლების ფასადების შეღებვა, სადარბაზოებისა და აივნების კეთილმოწყობა, ინფრასტრუქტურული სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან ფინანსდება.

აღნიშნული სამუშაოების მიმდინარეობის პროცესს, ადგილზე გაეცნენ წალენჯიხის მუნიციპალიტეტის მერი ბესიკ ფარცვანია და მერიის ეკონომიკისა და ინფრასტრუქტურის განვითარების სამსახურის საორგანიზაციო და სამშენებლო ინსპექტირების განყოფილების უფროსი ჯემალ კვარაცხელია.