ზუგდიდის მუნიციპალიტეტის ტერიტორიაზე პარკირების მოწესრიგების საკითხის შესწავლის მიზნით ზუგდიდის მუნიციპალიტეტის საკრებულოში შექმნილმა დროებითმა სამუშაო ჯგუფმა შეიმუშავა დადგენილების პროექტი და ს.ს. „თაუნ პარკსა“ და საკრებულოს მიმართა რეკომენდაციით პარკირების საფასური დადგინდეს შემდეგნაირად:

1 კვირა – 3 ლარი,

1 თვე – 10 ლარი,

3 თვე – 15 ლარი,

6 თვე – 25 ლარი,

1 წელი – 40 ლარი.

ცვლილებები შევა შესაბამის დადგენილებაშიც, რომელიც ავტომობილის დგომის/გაჩერების რეგულაციებს მოაწესრიგებს. შეხვედრაზე ასევე საუბარი შეეხო გადახდის სისტემების სრულყოფას და შესაბამისი ინფრასტრუქტურის მოწყობას.

სამუშაო ჯგუფი დაკომპლექტებულია როგორც არასამთავრობო სექტორის ისე ადგილობრივი თვითმართველობის აღმასრულებელი და წარმომადგენლობითი ორგანოების წევრებისაგან.