გალში მოღვაწე ე.წ “ექიმს” ლანა ლაცუზბაიას STV.GE-ში გამოქვეყნებული სტატიის შემდეგ პროკურატურაში უჩივის კიდევ ერთი სტომატოლოგიური კლინიკა. კლინიკის დირექტორის, ნ.ა-ს განცხადებით, კლინიკის იურისტი მუშაობს სარჩელზე, რომელსაც ლანა ლაცუზბაიას წინააღმდეგ პროკურატურაში შეიტანენ.

“მე ლანა ლაცუზბაიას პირადი პრობლემების გამო მივაქირავე სტომატოლოგიური კლინიკა, რომელმაც შემდგომში მონაწილეობა მიიღო ერთ-ერთ ტენდერში. ტენდერი ლანა ლაცუზბაიამ მიატოვა შუა გზაზე. პაციენტებიც და კლინიკაში მომუშავე პერსონალიც დატოვა ხელფასების და შემოსავლების გარეშე და აფხაზეთში გაიქცა”-ამბობს სტომატოლოგიური კლინიკის მეპატრონე, რომელმაც საკუთარი ვინაობის გამხელა არ ისურვა იმ დრომდე, ვიდრე პროკურატურაში სარჩელი არ შევა.

ლანა ლაცუზბაიამ გამარჯვებული ტენდერის ტანხები სათავისოდ გამოიყენა და ბოლო რამდენიმე თვის თანხა ექიმებს არ ჩაურიცხა. კლინიკის მეპატრონე აცხადებს, რომ ლანას ექიმობაზე მას არაფერი სმენია თუმცა მას კლინიკაში მხოლოდ მენეჯერული საქმიანობა ევალებოდა.

“მე ახლა გავიგე, რომ მას არ ჰქონდა საექიმო გამოცდილება, მაგრამ აქვე მინდა გითხრათ, რომ მას ამ სტომატოლოგიურ კლინიკაში მხოლოდ მენეჯერული საქმიანობა ეკისრებოდა. მინდა ასევე გითხრათ, რომ ჰქონდა დამთავრებული კომპიუტერული კურსი და ჰქონდა შესაბამისი სერთიფიკატი “-აცხადებს კლინიკის დირექტორი.

სტომატოლოგიური კლინიკის მეპატრონე STV-სთან აცხადებს, რომ ლანა ლაცუზბაიასთან კომუნიკაციას დრემდე ვერ ამყარებენ. ის ემალება იმ სავარაუდო დანაშაულს, რაც მან ჩაიდინა.

“დიდიხანია ვცდილობთ მასთან გავიდეთ კონტაქტზე, თუმცა ამაოდ, ამას დღემდე ვერ ვახერხებთ. ლანა ლაცუზბაია ფაქტიურად დე ფაქტო აფხაზეთის ტერიტორიაზეა და გვემალება. ამიტომაც, ჩვენ გადავწყვიტეთ სამართლებრივი კვალიფიკაცია მიეცეს მის ქმედებას და ამაზე იზრუნოს სამართალდამცავმა სტრუქტურებმა. როგორც მოგახსენეთ მზადდება ჩვენი იურისტის მიერ სარჩელი და მას შევიტანთ პროკურატურაში. იმედია ამ გზით მივაღწევთ იმას, რომ დადგინდეს ყველაფერი. ჩვენ ვერ ვიტყვით იმას არის თუ არა მისი ქმედება დანაშაული, თუმცა ამას გაარკვევს თავად პროკურატურა და სასამართლო”-აცხადებს STV-თან სტომატოლოგიური კლინიკის დირექტორი.