ფოთში, ე.წ. კოკაიას ხეივანთან ტრაილერის მძღოლებმა ის რეგულაციები გააპროტესტეს, რომლის მიხედვითაც, საზღვრის გადმოკვეთისას, სწრაფი ტესტის გაკეთების შემდეგ, 72 საათში განმეორებით, თავისივე ფინანსური სახსრებით უნდა გამოცხადდნენ საკარანტინო ზონაში განმეორებითი ტესტის გასაკეთებლად.

,, საშინელება ხდება. ნახეთ, იმ შემთხვევაში თუ არ გვიწევს საერთაშორისო გადაზიდვების განხორციელება, 14 დღით საკარანტინო სივრცეში უნდა დავრჩეთ, რაც დამატებით პრობლემას გვიქმნის და ხარჯებთანაა დაკავშირებული.აუცილებლად უნდა შეიცვალოს ეს რეგულაციები, წინააღმდეგ შემთხვევაში პერმანენტული საპროტესტო აქციებს და შიმშილობას დავიწყებთ,”- აცხადებენ ადგილობრივები.

აქციის მონაწილეებს ფოთის მერი გოჩა კურდღელია შეხვდა. მერმა მონაწილეთა მოთხოვნები მოისმინა თუმცა საკითხის მოგვარების პირობა არ მიუცია.