ოკუპირებულ აფხაზეთში კორონავირუსის კიდევ ერთი ახალი შემთხვევა დაფიქსირდა. „სპუტნიკის“ ინფორმაციით, ვირუსი კურსანტს დაუდასტურდა, რომელიც აფხაზეთში რუსეთიდან ჩავიდა.

ე.წ. ოპერატიული შტაბის ცნობით, კოვიდინფიცირებულს უახლოეს პერიოდში გუდაუთის საავადმყოფოში გადაიყვანენ, სადაც სხვა დაინფიცირებულებს მკურნალობენ.

ოკუპირებულ აფხაზეთში, დღეის მდგომარეობით, კორონავირუსის სულ 38 შემთხვევა გამოვლინდა. მათგან 9 ადამიანი გუდაუთის საავადმყოფოში მკურნალობს, 27 ადამიანი გამოჯანმრთელდა, ერთი კი გარდაიცვალა.