• აფხაზეთის პოლიციის დეპარტამენტის თანამშრომლებმა წუხელ გვიან ღამით საბერიო- ფახულანის საოკუოაციო საზღვართან, წალენჯიხის საკრებულოს თავმჯდომარე თემურ ღვინჯილია და მერიის კიდევ ერთი თანამშრომელი დააკავეს.

არებული ინფორმაციით, წალენჯიხის საკრებულოს თავმჯდომარეს სამსახურეობრივ, მასზე განპიროვნებულ პრადოში უაქციზო, კონტრაბანდული სიგარეტები ყუთობით ჰქონდა. სავარაუდოდ ის და მერიის თანამშრომელი კონტრაბანდული სიგარეტების ე.წ საზღვრიდან საქართველოს დანარჩენ ტერიტორიაზე გადატანით იყვნენ დაკავებული.

ჯერჯერობით მომხდართან დაკავშირებით კომენტარს ვერ აკეთებს წალენჯიხის მერი ბესიკ ფარცვანია. ის აცხადებს, რომ თბილისშია და არაფერი იცის.

“მეც ახლა გავიგე. თბილისში ვარ, არ ვარ ადგილზე და დეტალები არ ვიცი, არც რაიმე ოფიციალური ცნობა მიმიღია. თბილისში უნდა ჩამოსულიყო, აქ გვქონდა შეხვედრა. ახლობლებმა დამირეკეს და მითხრეს, რომ დაკავებულია. სხვა არაფერი ვიცი”, – აცხადებს ბესიკ ფარცვანია.

ფინანსთა სამინისტროს საგამოძიებო სამსახურს წალენჯიხის საკრებულოს თავმჯდომარის დაკავებასთან დაკავშირებით ოფიციალური ინფორმაცია ჯერ არ გაუვრცელებია.