• ჩხოროწყუს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი სამეგრელო-ზემო სვანეთის სახელმწიფო რწმუნებულის მოადგილე ნუკრი ხასიასა და რეგიონული პროექტების კოორდინირების სამსახურის უფროს ნუგზარ გაბელიას შეხვდნენ.

შეხვედრას ასევე ესწრებოდნენ საქართველოს პარლამენტის წევრი ჯუმბერ იზორია, მერიის ინფრასტრუქტურის, კეთილმოწყობის, სივრცითი მოწყობისა და არქიტექტურის სამსახურისა და მუნიციპალიტეტში მიმდინარე ინფრასტრუქტურული პროექტების ხელმძღვანელი პირები.

შეხვედრაზე ჩხოროწყუს მუნიციპალიტეტში ინფრასტრუქტურული სამუშაოების მიმდინარეობა დეტალურად განიხილეს. ყურადღება გამახვილდა სამუშაოების დროულ და ხარისხიან შესრულებაზე.