• წუხელ გვიან ღამით, სენაკის მუნიციპალიტეტში ხონისა და სამტრედიის ეპისკოპოსის, მეუფე საბას (გიგიბერია) ოჯახი ჯერჯერობით დაუდგენელმა პირებმა დააყაჩაღეს. წინასწარი ინფორმაციით, წაღებულია თანხა ას ლარამდე და მობილური ტელეფონები.

დაყაჩაღების მომენტში სახლში არ იმყოფებოდა თავად მეუფე საბა. ის ეპარქიაში იყო და ამის შესახებ მოგვიანებით გაიგო. ცნობილი ხდება ასევე, რომ დაყაჩაღებაში სამი ნიღბიანი მამაკაცი მონაწილეობდა.

შსს-ში აღნიშნულ ფაქტს ადასტურებენ და აცხადებენ, რომ ყაჩაღობის ფაქტზე გამოძიება სისხლის სამართლის კოდექსის 179-ე მუხლის მე-2 ნაწილის “ბ” და მე-3 ნაწილის “ბ” ქვეპუნქტებით მიმდინარეობს.