• დღეიდან მესტიის მიმართულებით რეისები სამშაბათისა და შაბათის გარდა, კვირაში ხუთჯერ შესრულდება. ნატახტარი-მესტია-ნატახტარის მიმართულებით ავიაბილეთის ღირებულება ზრდასრულთათვის, ერთი გზა 90 ლარს შეადგენს. სამიდან 12 წლამდე ბავშვებისთვის კი ვრცელდება 30-პროცენტიანი ფასდაკლება. სამ წლამდე ბავშვებისთვის მგზავრობა უფასოა.

„სვანეთში ეპიდსიტუაციიდან გამომდინარე ნატახტარი-მესტიის მიმართულებაზე ფრენები 11 აგვისტოდან შეჩერებული იყო. თუმცა, მას შემდეგ, რაც სვანეთის ყველა მუნიციპალიტეტი გაიხსნა მესტიის მიმართულებით ფრენებიც აღდგა. აღნიშნული რეისებიც „კოვიდ-19“-დან გამომდინარე ყველა არსებული რეგულაციების დაცვით ხორციელდება, ეს იქნება სოციალური დისტანცირება, თერმოსკრინინგი, სავალდებულო პირბადის ტარება და სხვა. სვანეთი საქართველოს ერთ-ერთი პოპულარული ტურისტული მიმართულებაა და ვიმედოვნებთ, რომ ამ ულამაზეს რეგიონს ისევ მალე ბევრი ტურისტი ეწვევა“, – აცხადებენ საქართველოს აეროპორტების გაერთიანებაში.