“ნაციონალებმა” ზუგდიდში დეპუტატობის კანდიდატად კარანტინში მყოფი მალხაზ ჯალაღონია წარადგინეს
- „ერთიანმა ნაციონალურმა მოძრაობამ“ ზუგდიდში პარლამენტის მაჟორიტარობის კანდიდატად პროფესიით ექიმი მალხაზ ჯალაღონია დაასახელა.
პარტიის ცენტრალურ ოფისში გამართულ ღონისძიებას ტავად დეპუტატობის კანდიდატი იმ უბრალო მიზეზის გამო არ დასწრებია, რომ ჯალაღონია თვითიზოლაციის რეჟიმშია. მას კონტაქტი კორონავირუსით ინფიცირებულ ერთ-ერთ პაციენტთან ჰქონდა.
მალხაზ ჯალაღონია ზუგდიდის გამგებლის ყოფილი მოადგილის, დარეჯან გაბედავას მეუღლეა, რომელიც ზუგდიდის გამგეობაში 2012 წლამდე მუშაობდა. დარეჯან გაბედავა სამეგრელო-ზემო სვანეთის ყოფილი საოლქო პროკურორის, როლანდ ახალაიას ოჯახის ნათესავია.
ცნობისთვის, ზუგდიდის მაჟორიტარი დეპუტატობის კანდიდატები არიან “ევროპული საქართველოდან” გიგი უგულავა, ხოლო “ქართული ოცნებიდან” ირაკლი ჩიქოვანი.
საქართველოში საპარლამენტო არჩევნები 31 ოქტობერს ჩატარდება.
