• ინციდენტი დევნილთა ჩასახლებაში რამდენიმე წუთის წინ მოხდა. დევნილმა ქალბატონმა, რომელიც “ნაციონალური მოძრაობის” მხარდამჭერია “ქართული ოცნების” უკვე მეორე კოორდინატორი შ.შ ბლაგვი საგნის გამოყენებით, სასტიკად სცემა.

ჩასახლებაში მცხოვრები დევნილები იხენებენ, რომ ხ.ქ-მ დევნილთა ჩასახლებაში “ოცნების” კოორდინატორი დ.თ მაშინ სცემა, როც ამ უკანასკნელმა სხვა კოორდინატორებზე თანხები საკუთარი სახლიდან გასცა. მეზობლები STV NEWS-თან ყვებიან, რომ ხ.ქ განსაკუთრებული სისასტიკით გამოირჩევა და ის საზოგადოებისთვის საშიშ დამნაშავეს წარმოადგენს.

“არავინ არ არის გამკითხავი თუ რა ხდება? აქ ტრაგედია უნდა დატრიალდეს მაინცდამაინც, რომ პოლიციამ ყურადღება მოგვაქციოს და იხსნას ჩვენი სიცოცხლე კრიმინალი ქალისგან? დღეს ერთი სცემა და ხვალ მეორეს სცემს ზეგ კიდევ მესამეს მოკლავს და სანამ მოკლავს ვინმემ გვიშველოს”-აცხადებენ ისინი.

როგორც STV NEWS-მა გაარკვია, “ნაციონალური მოძრაობის” მხარდამჭერს ხ.ქ-ს პირობითი სასჯელი ქურდობისთვის ახლახან მოეხსნა. სწორედ აღნიშნული სასჯელის მოხნის შემდეგ მან დაიწყო საკუთარმეზობლებზე თავდასხმები და ინტენსიური ზეწოლები, რომ დასახლებაში მცხოვრებლებმა მხარი მხოლოდ “ნაციონალურ მოძრაობას” დაუჭირონ და არ შემოუშვან დასახლებაში სხვა რომელიმე პოლიტიკური სუბიექტის წარმომადგენელი.

“ის გვაშინებს ყველას, რომ თუკი გავბედავთ და “ნაციონალებს” მხარს არ დავუჭერთ ჩვენც იგივე დღეში ჩაგვაგდებს, როგორც “ქართული ოცნების” კოორდინატორებს. ამიტომაც მივმათავთ თხოვნით შინაგან საქმეთა სამინისტროს, მინისტრს ვახტანგ გომელაურს რომ გვიშველონ. ეს ქალი აუცილებლად შეიწირავს ვინმეს”-აცხადებენ დევნილთა დასახლებაში.

ცნობისთვის, ხ.ქ მიერ ნაცემმა კოორდინატორმა სარჩელი ზუგდიდის პოლიციაში უკვე შეიტანა. მას აქვს ასევე სამხარაულის ექსპერტიზის ცნობა იმის შესახებ, რომ მას მძიმე ფიზიკური ტრამვა მიაყენეს ბლაქვი საგნით.

დევნილთა ჩასახლებაში სამართალდამცავების სწრაფ რეაგირებას და ფაქტების შესწავლას ელოდებიან.