• გუშინ ღამით ზუგდიდიდში მომხდარი ყაჩაღობის ფაქტი გახსნილია. ამის შესახებ ახალი ამბების სააგენტომ STV NEWS-ს ექსკლუზიურად აცნობა. აღნიშნულთან დაკავშირებით ორი ახალგაზრდა მამაკაცი დააკავეს, რომლებიც წინასწარი დაკავების იზოლატორში არიან გადაყვანილნი.

ზუგდიდის მუნიციპალიტეტის სოფელ ინგირში არსებული ბენზინგასამართი სადგური დააყაჩაღეს. ბოროტმოქმედებმა თანხა წაიღეს, სხვისი ავტომობილი გაიტაცეს და ბოლოს ავტომობილი ზუგდიდის მუნიციპალიტეტის სოფელ უჩაშონაში დატოვეს.

ბენზინგასამართ სადგურზე მომხდარ ყაჩაღობის ფაქტზე გამოძიება სისხლის სამართლის კოდექსის 179-ე მუხლით გუშინვე დაიწყო. ამ დრომდე ინტენსიურ რეჟიმში ტარდება საგამოძიებო და ოპერატიული ღონისძიებები.