• ,,თანამშრომლებისთვის კვალიფიკაციის ამაღლების კუთხით კომპანია აქტურად იზრუნებს. პერსონალის განვითარება ჩვენთვის ერთ-ერთი პრიორიტეტი იქნება, რადგან კომპანიის წარმატების მიღწევაში თითოეული თანამშრომლის როლი უმნიშვნელოვანესია. აქ, იგულისხმება აქტივობების მთელი კომპლექტი, რაც თავისთავად მოიცავს როგორც ტრენინგებს, ასევე სემინარებს, ვორქშოფებს, კონფერენციებს, რომელიც დაფუძნებული იქნება ცოდნაზე, გამოცდილებასა და პრაქტიკულ გამოყენებაზე, იმისათვის რომ კომპანიამ დასახულ, სტრატეგიულ მიზნებს მიაღწიოს“ -აცხადებს ,,აგრო მოტორსი“-ს ხელმძღვანელი, აკაკი გოგსაძე.

მისივე თქმით, პანდემიის დროს, განსაკუთრებით მნიშვნელოვანია თანამშრომლებზე ზრუნვა.

,,მსგავსი აქტივობების ფარგლებში, პროფესიული ცოდნისა და სხვა უნარების გაზიარება დაგვეხმარება გავაუმჯობესოთ მუშაობის მეთოდები და პროცესები, ავამაღლოთ თანამშრომელთა განწყობა და ლოიალობა კომპანიის მიმართ, დავეხმაროთ მათ ახალი ცოდნისა და პროფესიული უნარების შეძენაში, ახალ გამოწვევებთან ადაპტაციაში’’- აღნიშნა აკაკი გოგსაძემ.

აგრო ტექნიკის სფეროში, გაყიდვების მიმართულებით თანამედროვე ტენდენციებისა და ახალი უნარების გასაცნობად ,,აგრო მოტორსი“-ს თანამშრომლებისთვის ტრენინგი ჩატარდა. ტრენინგი, ასევე მოიცავდა ცოდნის გაზიარებას სერვისებზე და ტექნიკის შესახებ მეტი ინფორმაციის მიღებას. მათ შორის, როგორი უნდა იყოს გაყიდვები ბაზარზე და სწორი კომუნიკაცია მომხმარებელთან.