30 სექტემბერს სალხინოს დადიანების საზაფხულო რეზიდენციაში კამერული მუსიკის საერთაშორისო ფესტივალი „სალხინოს სასახლის კამერატა“ საზეიმოდ დაიხურა.ფესტივალი სამი დღის განმავლობაში მიმდინარეობდა ის მუსიკოსებს ავსტრიიდან, ლიეტუვიდან და საქართველოდან მასპინძლობდა. მონაწილეთა შორის იყვნენ: ვალერიან შიუკაშვილი, თამარ ლიჩელი, საფორტეპიანო ტრიო ACCIO; ტრიო INDEED; აფხაზეთის სახლემწიფო კაპელა და მაესტრო ზვიად ბოლქვაძე.

ფესტივალი ჩატარდა ჭყონდიდელი მიტროპოლიტი მეუფე პეტრეს (ცაავა) ლოცვა-კურთხევით. ფესტივალი განხორციელდა მარტვილის მუნიციპალიტეტის მერიის, საკრებულოსა და პროექტ #chekingerogia ს მხარდაჭერით. ფესტივალის ინიციატორი და სამხატვრო ხელმძღვანელი – მუსიკოსი შიო აბრახამია, ფესტივალის დირექტორი – ბადრი ბაგრატიონ-გრუზინსკი.

სპონსორები: კომპანია “ლაიფ მასტერი”, „ანაკლიის განვითარების კონსორციუმი“, მარტვილის ჩაი „კოლხა“. კამერული მუსიკის საერთაშორისო ფესტივალი 28 სექტემბერს გაიხსნა და 30 სექტემბერს საზეიმოდ დაიხურა.