• ზუგდიდის მუნიციპალიტეტის მერიში კორონავირუსის საპრევენციო ღონისძიებების ფარგლებში განცხადებების მიღების წესი შეიცვალა. კორონავირუსის საპრევენციო ღონისძიებების ფარგლებში ზუგდიდის მუნიციპალიტეტის მერია საქმისწარმოების ახალ სისტემაზე გადადის.

6 ნოემბრიდან ზუგდიდის მუნიციპალიტეტის მერიაში მოქალაქეებს განცხადებების შემოტანა 24-საათიან რეჟიმში ელექტრონული ფორმით შეეძლებათ. ხელზე განცხადებების მიღება კი 13:00 საათამდე იწარმოებს. აღნიშნული გადაწყვეტილება მოქალაქეების უსაფრთხოების მიზნითაა მიღებული. განცხადებების გამოგზავნა შესაძლებელია შემდეგ ელექტრონულ მისამართზე: zugdidismeria@gmail.com

ასევე, მოქალაქეებს საშუალება აქვთ ზუგდიდის მუნიციპალიტეტის მერიას მომართონ ელექტრონული მმართველობის ერთიანი სისტემის MSDA-ს ელექტრონული განცხადებების პორტალის MS.GOV.GE-ის გამოყენებით. ზუგდიდის მუნიციპალიტეტის მერია მოგიწოდებთ, მაქსიმალურად ისარგებლოთ საქმისწარმოების ელექტრონული სისტემით და გავუფრთხილდეთ ერთმანეთის ჯანმრთელობას.