პირველი ხორგის ადმინისტრაციულ ერთეულში საბავშვო ბაღის მშენებლობა დაიწყო. პროექტის სახელშეკრულებო ღირებულება 500 000 ლარს შეადგენს. ინფრასტრუქტურული პროექტიადგილობრივი ბიუჯეტის დაფინანსებით ხორციელდება.

სამშენებლო სამუშაოების დასრულების შემდეგ, სასწავლო-აღმზრდელობითი პროცესი კეთილმოწყობილ გარემოში წარიმართება.

„2013 წლიდან დღემდე ხობის მუნიციპალიტეტში აშენდა ორი, სრული რეაბილიტაცია ჩაუტარდა 8 საბავშვო ბაღს, ხოლო ორის მშენებლობა მიმდინარეობს“ – აღნიშნა მერმა, გოჩა ქაჯაიამ.

მიმდინარე წელს პირველ ხორგაში განხორციელდა ცენტრალური გზის სრული რეაბილიტაცია, ხოლო ცენტრალურ ქუჩაზე დამონტაჟდა გარე განათების სისტემა.