სენაკის მუნიციპალიტეტის ხორშის ადმინისტრაციულ ერთეულში, საგზაო ინფრასტრუქტურული პროექტის ფარგლებში, აქტიურად ხორციელდება სოფლის ცენტრამდე მისასვლელი გზის და ხიდის სარეაბილიტაციო სამუშაოები.

პროექტის ღირებულება 216 848 ლარს შეადგენს; მათ შორის – 2020 წელს შესასრულებელი სამუშაოების ღირებულებაა – 181 373 ლარი, 2021 წლის – 35 475 ლარი.

სამუშაოებს სს ,,არქეოპოლისი“ ახორციელებს.

სოფლის ცენტრამდე გზის მოწესრიგების და ხიდის რეაბილიტაციის პრობლემის მოგვარებას მოსახლეობა წლების განმავლობაში ითხოვდა, რაც დღევანდელი ადგილობრივი ხელისუფლების ძალისხმევით მოგვარდა.