დღეს, სენაკის მუნიციპალიტეტის მერი ლევან კუპრეიშვილი, პირველ მოადგილესთან გრიგოლ ბაღათურიასთან და შესაბამისი სამსახურების წარმომადგენლებთან ერთად, გაეროს განვითარების პროგრამის ექსპერტს შოთა მურღულიას შეხვდა.

სამუშაო შეხვედრაზე საუბარი მუნიციპალიტეტის საინვესტიციო პროფილის მიმდინარეობის დეტალებს შეეხო.

სენაკის მუნიციპალიტეტის საინვესტიციო შესაძლებლობების ზრდა ,,ადგილობრივი ეკონომიკური განვითარების გეგმის” და ,,საშუალო ვადიანი განვითარების დოკუმენტის“ მნიშვნელოვანი ნაწილია.

საინვესტიციო პროფილი მოიცავს მუნიციპალიტეტის პოტენციალს, რაც მას საინვესტიციო მიმართულებით გააჩნია.

საინვესტიციო პროფილის მზადდება პროექტის „მონაწილეობითი ადგილობრივი განვითარება“ გაეროს განვითარების პროგრამის (UNDP) პროექტის ,,რეგიონული და ადგილობრივი განვითარების ხელშეწყობა საქართველოში ფაზა 2 (FRLD 2)” ფარგლებში, კონტრაქტორი ორგანიზაციების – საქართველოს ახალგაზრდა ეკონომისტთა ასოციაციის (AYEG) და ადგილობრივი დემოკრატიის სააგენტოს (LDA Georgia) მონაწილეობით, საქართველოს რეგიონული განვითარებისა და ინფრასტრუქტურის სამინისტროსთან, შვეიცარიის განვითარებისა და თანამშრომლობის სააგენტოსთან (SDC) და ავსტრიის განვითარების თანამშრომშრომლობით (ADC).