სენაკის მუნიციპალიტეტის ადმინისტრაციული ერთეულების მოსახლეობისთვის, უფასო პროფილაქტიკური და დიაგნოსტიკური გამოკვლევები გრძელდება.

სამედიცინო აქცია ამჯერად ზემო ჭალადიდის ადმინისტრაციულ ერთეულში ჩატარდა.

სამედიცინო გამოკვლევების მიმდინარეობას სენაკის მუნიციპალიტეტის საკრებულოს წევრები, ელისო ცაგურია და ნიკოლოზ შამათავა გაეცნენ.

აქციის ფარგლებში, უფასო სამედიცინო კვლევები ჩაუტარდა ზანის, უშაფათის, ფოცხოს, ლეძაძამეს, ნოსირის, გეჯეთის, ძველი სენაკის, ნოქალაქევისა და თეკლათის ადმინისტრაციული ერთეულების მოსახლეობას.

სამედიცინო აქცია სენაკის მუნიციპალიტეტის მერიისა და წითელი ჯვრის საზოგადოების ერთობლივი პროექტის ,,საქმიანობათა ცენტრი სენაკში უსაფრთხო გარემოსა და სიცოცხლის ხელშეწყობისთვის” ფარგლებში განხორციელდა.