„ქართული ოცნება-დემოკრატიული საქართველოს“ მაჟორიტარი დეპუტატობის კანდიდატი ზუგდიდის მუნიციპალიტეტის სოფელ კახათში ცნობილი ფიზიკოსი ოთარ გუგუჩიაა. ოთარ გუგუჩია მეცნიერების დოქტორი, ასოცირებული პროფესორი, 67 ნაშრომისა და 5 სახელმძღვანელოს ავტორია.

ის სოფელში დიდი ავტორიტეტით და ადგილობრივების მხარდაჭერით სარგებლობს. ამასთანავე ოთარ გუგუჩია მსოფლიოში ცნობილი მეცნიერის, უცხოეთში მოღვაწე და უნიკალურ ექსპერიმენტებში მონაწილე წარმატებული ახალგაზრდა ქართველი ფიზიკოსის ზურაბ გუგუჩიას მამაა.

ზურაბ გუგუჩიამ წარმატებით დაამთავრა ივ. ჯავახიშვილის სახელობის თბილისის სახელმწიფო უნივერსიტეტი, იყო ციურიხის უნივერსიტეტის ყველაზე ახალგაზრდა დოქტორანტი, ასევე, მუშაობდა კოლუმბიის უნივერსიტეტში, იყო პრინსტონის უნივერსიტეტის მიწვეული მეცნიერი. ამჟამად შვეიცარიის ყველაზე მასშტაბური სამეცნიერო ცენტრის – პაულ შერერის კვლევითი ინსტიტუტის უფროსი მეცნიერი და მაღალი ველის მიუონის ლაბორატორიაზე პასუხისმგებელი პირია. გამოქვეყნებული აქვს 75-ზე მეტი სამეცნიერო ნაშრომი, რომლებიც დაბეჭდილია მსოფლიოს წამყვან მაღალრეიტინგულ ფიზიკის ჟურნალებში.

არაერთი კვლევა დასახელდა წლის საუკეთესო ნაშრომად. დაჯილდოვებულია ღირსების ორდენით, მიენიჭა წინანდლის პრემია. ზურაბ გუგუჩია, მიუხედავად ასაკისა, უკვე აღიარებულია, როგორც ლიდერი მის დარგში მომუშავე ცნობილი ფიზიკოსებს შორის.