„ქართული ოცნების“ ზუგდიდის ემოროობის კანდიდიატი აქტიურ საარცევნო კამპანიას განაგრძობს. მამუკა წოწეია მოსახლეობას დღეს ინდივიდუალური შეხვედრების პრინციპით დადიანის და თეატრის ქუჩებზე მდებარე მრავალსართულიან კორპუსებში მცხოვრებ მოსახლეობას შეხვდა.

„პირველი რაც გავაკეთეთ, ეს იყო პირველი ტურის შედეგების და მისი განმსაზღვრელი ფაქტორების რეალური, დეტალური ანალიზი და ამ ეტაპისთვის ჩვენ უკვე გადავედით აქტიურ საარჩევნო კამპანიაზე, ასევე, მინდა აღვნიშნო, რომ საზოგადოება სწორად აფასებს იმ საერთო ეროვნულ შედეგს, რაც გვაქვს. 64-დან 44 მუნიციპალიტეტში პირველივე ტურში მერი გახდა „ქართული ოცნების“ კანდიდატი, ხოლო პროპორციულ ნაწილში „ქართული ოცნების“ მიმართ ამომრჩევლის 47 პროცენტიანმა მხარდაჭერამ საბოლოოდ წერტილი დაუსვა ყბადაღებულ და რეფერენდუმად გასაღებულ 43 პროცენტიან ბარიერს.

აქედან გამომდინარე, იგრძნობა ჩვენი ამომრჩევლის მობილიზება და ორგანიზება, რომელიც უკმაყოფილოა ზუგდიდში პირველი ტურის შედეგებით. შეხვედრებზე მოსახლეობა გვიფიქსირებს, რომ პირველი ტურის მიმდინარეობისას მათ დაინახეს აშკარა უპირატესობა „ქართული ოცნების“. აქედან გამომდინარე ჩათვალეს, რომ მათი ხმები არ იქნებოდა კრიტიკულად მნიშვნელოვანი შედეგებისთვის და გარკვეულწილად პასიურ მდგომარეობაში იყვნენ – ეს გარემოებები ჩვენ გვაძლევს იმის მყარ საფუძველს, რომ ვთქვათ ზუგდიდი არ იქნება გამონაკლისი საერთო ეროვნული შედეგებიდან და 30 ოქტომბერს მეორე ტური „ქართული ოცნების“ კანდიდატების სასარგებლოდ დასრულდება. ჩვენ ერთად გავიმარჯვებთ უკეთესი ზუგდიდისთვის, იმისთვის, რომ ამ მუნიციპალიტეტმა განაგრძოს მშვიდობიანი განვითარება და არ იყოს ვიწრო პოლიტიკური ინტერესების მსხვერპლი“ – აცახდებს მამუკა წოწერია.