30 ოქტომბერს ადგილობრივი თვითმმართველობის არჩევნებში, ,,ერთიანი ნაციონალური მოძრაობა“ მარცხდება, რასაც ვერ ეგუებიან პარტიის მესვეურები და ყველა ბინძური მეთოდითა და ცილისწამებით ცდილობენ ამომრჩევლებზე ზემოქმედებით მოხდენას, არ ერიდებიან ცალკეული ადამიანების ჯანმრთელობის მდგომარეობის გასაჯაროებასა და და ცილიმწაბლურ განცხადებებს, რაც ძალიან ამორალურია და ყოველგარ ეთიკის ნორმებს სცილდება.

ანი წითლიძის დღევანდელი პოსტი, რომელიც მან საკუთარ ფეისბუქის გვერდზე დაწერა ყოველგვარ ზღვარს სცილდება. წითლიძე ავრცელებს ცრუ ინფორმაციას და წერს, რომ ვინმე ხათუნა ჯაბუა, რომელიც ონკოლოგიური ავადმყოფია, პირადობის მოწმობებს ართმევს ნაციონალური მოძრაობის მხარდამჭერებს.

,,მოკლედ თავიდან ვდებ პოსტს დაზუსტებული ინფორმაციით.
ეს ქალბატონი არის ხათუნა ჯაბუა, რომელსაც აქვს სიმსივნე (ამის ქმარი არის კახა ყურაშვილი, ქართული ოცნების წევრი, ასევე ქართული ოცნებიდან საკრებულოს წევრის მამუკა ყურაშვილის რძალი) ეს ქალბატონი დადის და სამეზობლოში ეუბნება ხალხს თუ პირადობებს მომცემთ ქიმიას დამიფინანსებენო. ამას აკეთებს ჩვენს მომხრეებთან და ნამუსზე აგდებს.
ამ ქალს გამოჯანმრთელებას ვუსურვებ მაგრამ რას დაემსგავსეთ ხალხნო? რას დაგამსგავსათ ბიძინამ რომ ამას აკეთებთ?? თავს აცოდებთ ხალხს ახლა უკვე ავადმყოფობით და პირადობებს აგროვებთ“-წერს ანი წითლიძე.
წითლიძის ცილისმ,წამებლურ განცხადებას თავის გვერდზე უპასუხა ხათუნა ჯაბუამ და წითლიძეს მოუწოდა გადამოწმებული ინფორმაცია გაავრცელოს.

,,ქალბატონო ანა წითლიძე სანამ დაიწყებდეთ მსგავსი ინფორმაციის გასაჯაროებას, ერთი მარტივი რამ უნდა შეასრულოთ. გადაამოწმოთ და მერე შეუდგეთ თქვენს ნაცად ქმედებას. მე მოგაწოდებთ დადასტურებულ ინფორმაციას ჩემს შესახებ.
ჯაბუა ხათუნა 2013 წელს დამიდგინდა სარძევე ჯირკვლის ავთვისებიანი კარცინომა მე-3 სტადია. მე, – 2 ჯგუფი.. გამიკეთდა თურქეთის კლინიკაში ოპერაცია ასევე ქიმიოთერაპია და სხივური თერაპია.. შემდეგ საქართველოში გავდიოდი ჰორმონეთარპიის კურსს. სამწუხაროდ 2016 წელს ავადმყოფობა გადავიდა ძვალში და მაქვს ძვლის მეტასტაზური დაზიანება მე-4 სტადია. წლებია გავდივარ ქიმიოთერაპიის კურსს თბილისში ხეჩინაშვილის კლინიკაში. რომელიც ფინანსდება ყველა ონკოლოგიური პაციენტისთვის ჯანდაცვის მიერ.. ამჟამად გავდივარ ქიმიოთერაპიის კურსს: ლიპოსომური დოქსორუბიცინის შემცველობით. და ასევე მასთან ერთად დენოსუბამს სახელწოდებით: xgeva. რომელიც ასევე ფინანსდება ჯანდაცვის მიერ ყველა ონკოლოგიური პაციენტისთვის.
თქვენ პარლამენტის წევრს ეს არ უნდა გეშლებოდეთ რომ ეს მედიკამენტოზური ქიმია ფინანსდება..საყოველთაო ჯანდაცვის მიერ. რაც შეეხება ჩემს მდგომარეობას. მე სამწუხაროდ გადაადგილება არ შემიძლია ქიმიოთერაპიის კურსის გავლის შემდეგ რამოდენიმე დღეები.გპატიჟობთ და მინდა შემომხედოთ თვალებში, ადამიანს რომელიც 9 წელია ებრძვის ტკივილით ამ ავადმყოფობას, ადამიანს რომელსაც ამ პერიოდში თავისი სახის დანახვა არ უნდა. გრცხვენოდეთ. უფლის გეშინოდეთ. ყველას მივმართავ ვინც კომენტარებში იწერებით უცნობ ქალზე, ოჯახი გყავთ, შვილები და ღმერთმა ნუ გამოგაცდევინოთ ის ტანჯვა წამება რაც მე გამოვიარე და გავდივარ.. და ძალიან გთხოვთ ცოდვებში ნუ ვარდებით იმ სიტყვებით რაც გაქვთ ჩემს მიმართ დაწერილი.. უფალს ებარებოდეთ“-წერს მოქალაქე ხათუნა ჯაბუა.